ഇരിട്ടി: ഇരിട്ടിക്കടുത്ത് കല്ലുവയൽ സ്വദേശിനിയായ യുവതി യു.കെയിൽ പനി ബാധിച്ച് മരിച്ചു. കല്ലുവയലിൽ പേന്താനത്ത് ഹൗസിൽ പേന്താനത്ത് അഞ്ജു അമൽ (29) ആണ് യു.കെയിൽ ജോലിസ്ഥലത്ത് പനി ബാധിച്ച് ചികിത്സയിലിരിക്കെ മരിച്ചത്. യു.കെയിൽ സ്വകാര്യ സ്ഥാപനത്തിൽ അക്കൗണ്ടന്റാണ്. യു.കെയിൽ അധ്യാപകനായ കല്ലുവയലിലെ അമലിന്റെ ഭാര്യയാണ്. വയനാട് പുൽപള്ളിയിലെ ജോർജിന്റെയും സെലിന്റെയും മകളാണ്. സഹോദരി: ആശ ജോർജ് (ബാങ്ക് ഉദ്യോഗസ്ഥ തിരൂർ മലപ്പുറം). സംസ്കാരം പിന്നീട്.
