കാക്കൂർ: കുട്ടമ്പൂർ തണ്ണികുണ്ടുങ്ങൽ ബാലൻ നായർ (79) നിര്യാതനായി. കാക്കൂർ ഗ്രാമപഞ്ചായത്ത് മുൻ വൈസ് പ്രസിഡന്‍റ്, കുട്ടമ്പൂർ ഹയർ സെക്കൻഡറി സ്കൂൾ സ്ഥാപക മെംബർ, മുൻ മാനേജർ, മുൻ പ്രസിഡന്‍റ്, മുൻ ബ്ലോക്ക് കോൺഗ്രസ് കമ്മിറ്റി വൈസ് പ്രസിഡന്‍റ്, പന്തീരാങ്കാവ് ബാങ്ക് സെക്രട്ടറി, കോഴിക്കോട് ജില്ല എംപ്ലോയീസ് ആൻഡ് പെൻഷനേഴ്സ് സഹകരണ സംഘം മുൻ പ്രസിഡന്‍റ് എന്നീ സ്ഥാനങ്ങൾ വഹിച്ചിട്ടുണ്ട്. കുട്ടമ്പൂർ വായനശാലയുടെ സജീവ അംഗമായിരുന്നു. കാക്കൂർ ഗ്രാമപഞ്ചായത്തിലെ സാമൂഹിക സാംസ്കാരിക കലാരംഗത്ത് നിറസാന്നിധ്യമായിരുന്നു. ഭാര്യ: വിലാസിനി (റിട്ട. പ്രധാനാധ്യാപിക, കുട്ടമ്പൂർ ഹയർ സെക്കൻഡറി സ്കൂൾ). മക്കൾ: വിപിൻദാസ് (പന്തീരാങ്കാവ് സർവിസ് ബേങ്ക്), അരുൺ കുമാർ (ജർമനി). മരുമക്കൾ: അപർണ (എൻ.എസ്.എസ് കോളജ് മഞ്ചേരി), സ്നേഹ (ഫെഡറൽ ബാങ്ക് കണ്ണൂർ). സഹോദരങ്ങൾ: പരേതരായ അച്യുതൻ നായർ, നാരായണൻ നായർ, ഗോവിന്ദൻകുട്ടി നായർ. സഞ്ചയനം ബുധനാഴ്ച.
