ഉള്ള്യേരി: ഫോക് ലോര്‍ അവാര്‍ഡ് ജേതാവ് പ്രമുഖ തെയ്യം കലാകാരന്‍ ആനവാതില്‍ രാരോത്ത് മീത്തല്‍ നാരായണ പെരുവണ്ണാന്‍ (84) നിര്യാതനായി. അമേരിക്ക, സിംഗപ്പൂര്‍ എന്നിവിടങ്ങളിലും ആഫ്രോ ഏഷ്യന്‍ ഉച്ചകോടിയിലും ഏഷ്യാഡിലും മലബാറിലെ വിവിധ ക്ഷേത്രങ്ങളിലും തെയ്യം അവതരിപ്പിച്ചിട്ടുണ്ട്. ആനവാതില്‍ ചൂരക്കാട്ട് ക്ഷേത്രം പട്ടും വളയും നല്‍കി ആദരിച്ചിരുന്നു. ഭാര്യ: സാവിത്രി. മക്കള്‍: നിധീഷ്, പ്രജീഷ് (ഇരുവരും തെയ്യം കലാകാരന്മാർ). മരുമകള്‍: യമുന. സഹോദരങ്ങൾ: പരേതരായ രാഘവൻ, ചന്തുക്കുട്ടി, കല്യാണി. സംസ്കാരം വെള്ളിയാഴ്ച രാവിലെ 11ന് വീട്ടുവളപ്പിൽ.
