പട്ടാമ്പി: കൊപ്പത്തെ ആദ്യകാല സി.പി.എം നേതാവ് മണ്ണേങ്ങോട് രാജ് ഭവനിൽ ഡോ. ടി. ഗോപിനാഥൻ (78) കോഴിക്കോട് കോട്ടൂളിയിൽ നിര്യാതനായി. അടിയന്തരാവസ്‌ഥ കാലത്ത് സി.പി.എം കൊപ്പം ലോക്കൽ സെക്രട്ടറിയായിരുന്നു.
ആയുർവേദ മെഡിക്കൽ അസോസിയേഷൻ ഓഫ് ഇന്ത്യ സ്ഥാപക നേതാവും റിട്ട. ആയുർവേദ മെഡിക്കൽ ഓഫിസറുമാണ്. എം.എം.എ.ഐ സംസ്ഥാന ജനറൽ സെക്രട്ടറി, രസതന്ത്ര ഫാർമസ്യൂട്ടിക്കൽ പ്രൈവറ്റ് ലിമിറ്റഡ് മുൻ മാനേജിങ് ഡയറക്ടർ, കോഴിക്കോട് ആയുർവേദ സൊസൈറ്റി ഡയറക്ടർ എന്നീ നിലകളിലും പ്രവർത്തിച്ചിട്ടുണ്ട്.
ഭാര്യ: പി.കെ. വിജയകുമാരി. മക്കൾ: ഡോ. പി.ജി. രാജി (ഗവ. ആശുപത്രി തലശ്ശേരി), ഡോ. പി.ജി. രാജു (കോഓപറേറ്റിവ് ആശുപത്രി കോഴിക്കോട്). മരുമക്കൾ: ഡോ. ശരത്ത് (മിംസ് ഹോസ്പിറ്റൽ കോഴിക്കോട്), ഡോ. പ്രയാഗി (കോഴിക്കോട്). സഹോദരങ്ങൾ: ടി.പി. കുഞ്ഞൻ, ടി.പി. ഗോവിന്ദൻ, ടി.പി. രവീന്ദ്രൻ, ടി.പി. രാജഗോപാലൻ, പരേതനായ ടി.പി. മോഹനൻ.
