വളാഞ്ചേരി: പൊട്ടിവീണ വൈദ്യുതിക്കമ്പിയിൽനിന്ന് ഷോക്കേറ്റ് മധ്യവയസ്കൻ മരിച്ചു. ഇരിമ്പിളിയം കൊടുമുടി നെടുമാണി മണികണ്ഠൻ (53) ആണ് മരിച്ചത്. കഴിഞ്ഞ ദിവസം രാത്രി 7.30നായിരുന്നു അപകടം.
വീടിനു സമീപത്തെ പുഴയിൽ മീൻ പിടിക്കാൻ പോവുന്നതിനിടെ പൊട്ടിവീണ വൈദ്യുതിക്കമ്പിയിൽ തട്ടി ഷോക്കേൽക്കുകയായിരുന്നു.
വീട്ടിൽ തിരിച്ചെത്താൻ വൈകിയതിനെ തുടർന്ന് ബന്ധുക്കളും നാട്ടുകാരും നടത്തിയ തിരച്ചിലിനൊടുവിലാണ് ഇദ്ദേഹത്തെ കമ്പിയിൽ കുരുങ്ങിയ നിലയിൽ കണ്ടത്. വളാഞ്ചേരി സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ഭാര്യ: ഗിരിജ. മക്കൾ: ഗീതു, മനു, പരേതയായ നീനു. മരുമകൻ: സുബ്രഹ്മണ്യൻ കരേക്കാട്.
സഹോദരങ്ങൾ: ബാലകൃഷ്ണൻ, കാർത്യായനി, സുനിത, പരേതരായ ചെള്ളി, കണക്കാറായി.
