കൊല്ലങ്കോട്: കണ്ണാടിയിൽ ലോറിയും ബൈക്കും കൂട്ടിയിടിച്ച് യുവാവ് മരിച്ചു.
മുതലമട ഏരിപ്പാടം അക്ഷയ് നിവാസിൽ ബാബുവിന്റെ മകൻ അക്ഷയ് (20)ആണ് മരിച്ചത്. കണ്ണാടി മമ്പറത്തിനടുത്ത് ശനിയാഴ്ച രാവിലെ 11നാണ് അപകടം. പാലക്കാട് ഭാഗത്തുനിന്ന് കൊല്ലങ്കോട് ഭാഗത്തേക്കു പോകുകയായിരുന്ന ലോറിയും പാലക്കാട് ഭാഗത്തേക്കു വരുകയായിരുന്ന ബൈക്കും തമ്മിൽ കൂട്ടിയിടിക്കുകയായിരുന്നു. അക്ഷയിന്റെ മാതാവ്: ഗിരിജകുമാരി. സഹോദരൻ: ആകാശ്.
