ഒല്ലൂർ: ബന്ധുവീട്ടിൽ വിരുന്നിനെത്തിയ ഇടുക്കി സ്വദേശിയായ യുവാവ് കുളത്തിൽ വീണ് മരിച്ചു. ഇടുക്കി മങ്കുളം നെല്ലംകുഴി വീട്ടിൽ സണ്ണിയുടെ മകൻ ബിറ്റോയാണ് (22) മരിച്ചത്.
ചിയ്യാരത്തുള്ള അമ്മായിയുടെ വീട്ടിലേക്ക് എത്തിയതായിരുന്നു ബിറ്റോ. ഞായറാഴ്ച ഉച്ചക്ക് ചിയ്യാരത്തെ കാരമുക്ക് കുളത്തിൽ ബന്ധുവിനൊപ്പം കുളിക്കാനിറങ്ങിയ ബിറ്റോ വെള്ളത്തിൽ മുങ്ങി. അഗ്നിരക്ഷ സേന എത്തി പുറത്തെടുത്ത് ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
മാതാവ്: ഷിനി. സഹോദരങ്ങൾ: ബ്രിറ്റോ, ബിന്റോ.
