കൂറ്റനാട്: വയോധികനെ മരിച്ചനിലയിൽ കണ്ടെത്തി. തിരുമിറ്റക്കോട് ഇറുമ്പകശ്ശേരി ചെറളാച്ചിക്കുന്ന് ഈങ്ങപ്പുള്ളി വളപ്പിൽ അച്യുതൻ (കുട്ടൻ-62) ആണ് മരിച്ചത്.
തിങ്കളാഴ്ച രാവിലെ ചായ കഴിച്ച് വളപ്പിലേക്കിറങ്ങിയതായിരുന്നു. കഴുത്തിലെ ഞരമ്പ് മുറിഞ്ഞ നിലയിലാണ് കാണപ്പെട്ടത്. ഉടൻ പട്ടാമ്പി സ്വകാര്യ ആശുപത്രിയിൽ എത്തിച്ചെങ്കിലും മരിച്ചിരുന്നു.
ചാലിശ്ശേരി പൊലീസ് ഇൻക്വസ്റ്റ് നടത്തി മൃതദേഹം പോസ്റ്റ്മോർട്ടത്തിന് വിട്ടു. പിതാവ്: പരേതനായ രാമൻ. മാതാവ്: പരേതയായ നാരായണി. ഭാര്യ: അനിത. മക്കൾ: അശ്വതി (അധ്യാപിക, ചാത്തന്നൂർ ഹൈസ്കൂൾ), രമ്യ, ഐശ്വര്യ, ആതിര. മരുമക്കൾ: ഭാസ്കരൻ, വിജേഷ്, അനൂപ്.
