തലശ്ശേരി: എൻ.ജി.ഒ യൂനിയൻ കണ്ണൂർ ജില്ല പ്രസിഡന്റും സി.പി.എം നേതാവുമായിരുന്ന ഇടത്തിലമ്പലം ദേവീവിലാസിൽ പി.കെ. ദാമോദരൻ നമ്പ്യാർ (81) നിര്യാതനായി. കണ്ണൂർ നോർത്ത്‌ എ.ഇ.ഒ ഓഫിസ്‌ റിട്ട. സീനിയർ സുപ്രണ്ടായിരുന്നു. തലശ്ശേരി നോർത്ത്‌ എ.ഇ.ഒ ഓഫിസ്‌, ഡി.ഇ.ഒ ഓഫിസ്‌ എന്നിവിടങ്ങളിലും ദീർഘകാലം ജോലി ചെയ്‌തു.സർക്കാർ ജീവനക്കാരും അധ്യാപകരും നടത്തിയ 1973ലെ ഐതിഹാസികമായ പണിമുടക്കിന്റെ പ്രധാന സംഘാടകനായിരുന്നു. തലശ്ശേരി പബ്ലിക്‌ സർവന്റ്‌സ്‌ കോ-ഓപ്പറേറ്റീവ്‌ ബാങ്ക്‌ പ്രസിഡന്റ്‌, തലശ്ശേരി അർബൻ ബാങ്ക്‌ വൈസ്‌ ചെയർമാൻ, ക്രൈസ്‌റ്റ്‌ കോളജ്‌ വൈസ്‌ പ്രസിഡന്റ്‌, എൻ.ജി.ഒ യൂനിയൻ തലശ്ശേരി ബ്രാഞ്ച്‌ പ്രസിഡന്റ്‌, എഫ്‌.എസ്‌.ഇ.ടി.ഒ ജില്ല ഭാരവാഹി, വർക്കേഴ്‌സ്‌ കോഓഡിനേഷൻ കമ്മിറ്റി കൺവീനർ, കർഷകസംഘം വില്ലേജ്‌ സെക്രട്ടറി എന്നീ നിലകളിലും പ്രവർത്തിച്ചു. വിരമിച്ച ശേഷം സി.പി.എം അവിഭക്ത തലശ്ശേരി ലോക്കൽ കമ്മിറ്റി അംഗമായി. ഇടക്കാലത്ത്‌ ലോക്കൽ സെക്രട്ടറിയുടെ ചുമതലയും വഹിച്ചു. തലശ്ശേരി നോർത്ത്‌ ലോക്കൽ കമ്മിറ്റി അംഗം, മണ്ണയാട്‌ ബ്രാഞ്ചംഗം എന്നീ നിലകളിൽ പ്രവർത്തിച്ചു. ഇടത്തിലമ്പലത്തെ പരേതരായ ഗോപാലൻ നമ്പ്യാരുടെയും ദേവി അമ്മയുടെയും മകനാണ്‌. ഭാര്യ: പ്രഭാവതി. മക്കൾ: അഭിജിത്ത്‌, മഞ്ജരി. മരുമക്കൾ: നയന, രമേഷ്‌. സഹോദരങ്ങൾ: രാജലക്ഷ്‌മി, ബാലഗോപാലൻ, ജയപ്രകാശ്‌, പരേതനായ ബാലമോഹനൻ. സംസ്‌കാരം ബുധനാഴ്ച വൈകീട്ട്‌ നാലിന്‌ കണ്ടിക്കൽ നിദ്രാതീരം ശ്മശാനത്തിൽ
