പുത്തൻപീടിക: പനി ബാധിച്ച് ബി.ഫാം വിദ്യാർഥിനി മരിച്ചു. പുത്തൻപീടിക സെന്റ് ആന്റണീസ് പള്ളി ഗ്രൗണ്ടിന് സമീപം തേയ്ക്കാനത്ത് ബിജുവിന്റെ മകൾ അലക്സിയ (19) ആണ് മരിച്ചത്. ചാലക്കുടി സെന്റ് ജെയിംസ് ആശുപത്രിയിൽ ബി.ഫാം വിദ്യാർഥിനിയാണ്. ചാലക്കുടിയിൽ വെച്ച് പനി ബാധിച്ചതിനെ തുടർന്ന് വീട്ടിലേക്ക് വന്ന അലക്സിയയെ സമീപത്തെ ആശുപത്രിയിൽ പ്രവേശിപ്പിച്ചിരുന്നു. ഞായറാഴ്ച രാവിലെ ഗുരുതരാവസ്ഥയിലായതോടെ സ്വകാര്യ ആശുപത്രിയിൽ കൊണ്ടുപോയെങ്കിലും അവിടെ വെച്ച് മരിക്കുകയായിരുന്നു. മാതാവ്: സവിത. സഹോദരി: അലോണ. സംസ്കാരം പിന്നീട് പുത്തൻപീടിക സെന്റ് ആന്റണീസ് പള്ളി സെമിത്തേരിയിൽ.
