കൊല്ലങ്കോട്: ബൈക്കപകടത്തിൽ പരിക്കേറ്റ് തൃശൂർ മെഡിക്കൽ കോളജ് ആശുപത്രിയിൽ ചികിത്സയിലായിരുന്ന യുവാവ് മരിച്ചു. നെണ്ടൻകിഴായ അഞ്ജനംചിറ വിഷ്ണുവാണ് (26) മരിച്ചത്. സെപ്റ്റംബർ മൂന്നിന് വിത്തനശേരിയിൽ ഇരുചക്രവാഹനങ്ങൾ കൂട്ടിയിടിച്ചാണ് അപകടം. വിഷ്ണുവിനോടൊപ്പം ബൈക്കിലുണ്ടായിരുന്ന കൊല്ലങ്കോട് കുതിരമൂളി, കിഴക്കെ നെന്മേനി ശശികുമാറിന്റെ മകൻ കാർത്തികേയൻ (24) മരിച്ചിരുന്നു. തൃശൂരിൽ സ്വകാര്യ സ്ഥാപനത്തിൽ ജീവനക്കാരും സുഹൃത്തുക്കളുമായ ഇവർ ഓണാവധിക്ക് വീട്ടിലേക്ക് വരുന്ന വഴിയാണ് അപകടം. അപകടത്തിൽ പരിക്കേറ്റ കാർത്തികേയനെ നെന്മാറയിലെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചു. വിഷ്ണുവിന്റെ പിതാവ്: മധു. മാതാവ്: ശാന്ത. സഹോദരങ്ങൾ: വിഘ്നേഷ്, വൈഷ്ണവി. സംസ്കാരം ഞായറാഴ്ച രാവിലെ നെന്മേനി വാതകശ്മശാനത്തിൽ.
