ഇരിങ്ങാലക്കുട: ഇരിങ്ങാലക്കുട രൂപതാംഗം ഫാ. ബെന്നി ചെറുവത്തൂർ (57) നിര്യാതനായി. ചെറുവത്തൂർ ഈനാശു-മേരി ദമ്പതികളുടെ മകനായി നോർത്ത് ചാലക്കുടിയിലാണ് ജനനം.
1994 ഡിസംബർ 28ന് പൗരോഹിത്യം സ്വീകരിച്ച അദ്ദേഹം സൗത്ത് താണിശ്ശേരി, ഇരിങ്ങാലക്കുട കത്തീഡ്രൽ, പറപ്പൂക്കര ഫൊറോന, ആളൂർ എന്നിവിടങ്ങളിൽ അസ്തേന്തിയായും പാറേക്കാട്ടുകര, അരൂർമുഴി, പിള്ളപ്പാറ, മടത്തുംപടി, തിരുമുക്കുളം, പെരുമ്പടപ്പ്, ചെന്ത്രാപ്പിന്നി ഈസ്റ്റ്, കൊടുങ്ങല്ലൂർ, അമ്പനോളി, കൊന്നക്കുഴി, പുത്തൻചിറ ഈസ്റ്റ്, മാരാങ്കോട്, ചെമ്മണ്ട, വെള്ളിക്കുളങ്ങര, പൂവത്തിങ്കൽ എന്നിവിടങ്ങളിൽ വികാരിയായും ഇരിങ്ങാലക്കുട രൂപത സാക്രിസ്റ്റൻ ഫെലോഷിപ് ഡയറക്ടറായും ഫാമിലി അപ്പോസ്തലെറ്റ്, ആളൂർ, നവചൈതന്യ എന്നിവയുടെ അസി. ഡയറക്ടറായും വിവിധ കോൺവന്റുകളുടെ കപ്ലോനായും സേവനമനുഷ്ഠിച്ചു.
ചൊവ്വാഴ്ച ഉച്ചക്ക് 12ന് സംസ്കാരകർമത്തിന്റെ ആദ്യ ഭാഗം പ്രസ്തുത ഭവനത്തിൽ ആരംഭിക്കും. ഉച്ചക്ക് ഒന്നു മുതൽ നോർത്ത് ചാലക്കുടി, സെന്റ് ജോസഫ് ഇടവക ദൈവാലയത്തിൽ അന്ത്യോപചാരം അർപ്പിക്കുന്നതിന് വെക്കും. 2.30നുള്ള വിശുദ്ധ കുർബാനക്കും മറ്റ് തിരുകർമങ്ങൾക്കുംശേഷം നോർത്ത് ചാലക്കുടി ഇടവക പള്ളി സെമിത്തേരിയിൽ സംസ്കരിക്കും.
സഹോദരങ്ങൾ: സണ്ണി, ഫാ. പോൾ ചെറുവത്തൂർ, ജോൺസൺ, ബീന.
