ചിറ്റൂർ: തേനീച്ചയുടെ കുത്തേറ്റ് ഗൃഹനാഥൻ മരിച്ചു. വണ്ണാമട വെള്ളാരങ്കൽമേട് സി. നാച്ചിമുത്ത് കൗണ്ടർ (75) ആണ് മരിച്ചത്.
ചൊവ്വാഴ്ച രാവിലെ ഏഴരക്കാണ് സംഭവം.
പശുവിനെ തീറ്റിക്കാനായി തെങ്ങിൻതോപ്പിൽ കെട്ടുന്നതിനിടെ തെങ്ങിന്റെ മടലിൽനിന്ന് വീണ തേനീച്ചകൾ നാച്ചി മുത്തു കൗണ്ടറെ ആക്രമിക്കുകയായിരുന്നു. കുത്തേറ്റ് അവശനായ ഇദ്ദേഹത്തെ നാട്ടുകാർ നാട്ടുകല്ലിലെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. കൊഴിഞ്ഞാമ്പാറ പൊലീസ് ഇൻക്വസ്റ്റ് നടത്തി.
മൃതദേഹം പാലക്കാട് ജില്ല ആശുപത്രി മോർച്ചറിയിൽ പോസ്റ്റ്മോർട്ടത്തിനുശേഷം ബന്ധുക്കൾക്ക് വിട്ടുനൽകി സംസ്കരിച്ചു.
ഭാര്യ: മുത്തുലക്ഷ്മി. മക്കൾ: ശ്രീനിവാസ്, രേണുക ദേവി.
