കരിങ്കല്ലത്താണി: സ്കൂൾ കെട്ടിടത്തിൽനിന്നും വീണ് പരിക്കേറ്റ വിദ്യാർഥി മരിച്ചു. താഴെക്കോട് മേലേകാപ്പുപറമ്പിലെ പൂന്തൊടി മുനീറിന്റെ മകൻ മാസിൻ മുഹമ്മദ് (7) ആണ് പെരിന്തൽമണ്ണയിലെ സഹകരണ ആശുപത്രിയിൽ ചികിത്സയിലിരിക്കെ മരിച്ചത്.
പുവ്വത്താണി അൽബിറ് സ്കൂളിലെ രണ്ടാം ക്ലാസ് വിദ്യാർഥിയായ മാസിൻ മുഹമ്മദ് കഴിഞ്ഞ വ്യാഴാഴ്ച രാവിലെ പത്തരയോടെയാണ് സ്കൂൾ കെട്ടിടത്തിന്റെ മുകളിൽ നിന്ന് കാൽ തെന്നി വീണ് പരിക്കേറ്റത്. കഴിഞ്ഞ ദിവസം ലീവ് കഴിഞ്ഞ് റിയാദിലേക്ക് തിരികെ പോയ മുനീർ, മകന്റെ അപകടവിവരമറിഞ്ഞ് നാട്ടിൽ തിരിച്ചെത്തി.
മാതാവ്: ഷഹന ഷെറിൻ. സഹോദരി: ഇസ ഫാത്തിമ.
