മഞ്ചേരി: രാമനാട്ടുകരയിലുണ്ടായ വാഹനാപകടത്തിൽ കിടങ്ങഴി ഷാപ്പിൻകുന്ന് സ്വദേശിയായ യുവാവ് മരിച്ചു. ചുള്ളക്കാടൻ അബ്ദുൽ മുനീറിന്‍റെ മകൻ അബ്ദുൽ ഗഫൂറാണ് (21) മരിച്ചത്. ഞായറാഴ്ച പുലർച്ചെ നാലോടെയാണ് അപകടം. സുഹൃത്തുക്കളോടൊപ്പം രാത്രി കോഴിക്കോട് ബീച്ചിൽ പോയി ബൈക്കിൽ മടങ്ങുന്നതിനിടെ കോഴിക്കോട് ഭാഗത്തേക്ക് പോവുകയായിരുന്ന പച്ചക്കറി കയറ്റിയ മിനി ലോറിയുമായി കൂട്ടിയിടിക്കുകയായിരുന്നു. ഒപ്പം ബൈക്കിലുണ്ടായിരുന്ന സുഹൃത്തിന് പരിക്കേറ്റു.
അബ്ദുൽ ഗഫൂറിനെ ആശുപത്രിയിലെത്തിച്ചെങ്കിലും രക്ഷിക്കാനായില്ല. മൃതദേഹം കോഴിക്കോട് ഗവ.മെഡിക്കൽ കോളജ് മോർച്ചറിയിൽ. പോസ്റ്റ്മോർട്ട നടപടികൾക്ക് ശേഷം തിങ്കളാഴ്ച ഷാപ്പിൻകുന്ന് ജുമാ മസ്ജിദിൽ ഖബറടക്കം. അബ്ദുൽ ഗഫൂർ വാട്ടർ അതോറിറ്റിയുടെ പ്ലംബിങ് ജോലികൾ ചെയ്തുവരികയായിരുന്നു. ഒപ്പം ഈവനിങ് കഫേയിലും ജോലി ചെയ്തിരുന്നു. മാതാവ്: സറഫുന്നീസ. സഹോദരങ്ങൾ: അഫ്സൽ മുനീർ, അൻഷിഫ്.
