തൃത്താല: ഭാരതപ്പുഴയിലെ തൃത്താല പരുതൂർ മുടപ്പക്കാട് കടവിൽ കുളിക്കാനിറങ്ങി ഒഴുക്കിൽപെട്ട് വിദ്യാർഥി മരിച്ചു. മുടപ്പാക്കാട് തോട്ടത്തിൽ വീട്ടിൽ നാസറിന്റെ മകൻ അൻഷാദാണ് (18) മരിച്ചത്.
ബുധനാഴ്ച ഉച്ചയോടെയാണ് വെള്ളിയങ്കല്ല് ജലസംഭരണി ഭാഗത്ത് അൻഷാദും സുഹൃത്തുക്കളും കുളിക്കാനിറങ്ങിയത്. ആദ്യം പുഴയിലിറങ്ങിയ അൻഷാദിനെ ഒഴുക്കിൽപെട്ട് കാണാതാവുകയായിരുന്നു. അഗ്നിരക്ഷാസേന വിഭാഗവും മുങ്ങൽ വിദഗ്ധരും നടത്തിയ തിരച്ചിലിൽ വൈകീട്ടോടെയാണ് മൃതദേഹം കണ്ടെത്തിയത്.
വളാഞ്ചേരി പറമണ്ണൂർ മജ്‍ലിസ് ആർട്സ് ആൻഡ് സയൻസ് കോളജ് ഡിഗ്രി വിദ്യാർഥിയാണ് അൻഷാദ്. മാതാവ്: ഉമ്മുകുൽസു. സഹോദരൻ: അനസ്. ഖബറടക്കം വ്യാഴാഴ്ച ഉച്ചക്ക് 12ന് കുളമുക്ക് ജുമാമസ്ജിദ് ഖബർസ്ഥാനിൽ.
