പഴുവിൽ: യുവതിയെ വീട്ടിലെ അടുക്കളയിൽ പൊള്ളലേറ്റു മരിച്ചനിലയിൽ കണ്ടെത്തി. പഴുവിൽ വെസ്റ്റ് വലിയകത്ത് ഹനീഫയുടെ ഭാര്യ സുൽഫത്ത് (38) ആണ് മരിച്ചത്.
തൃപ്രയാറിൽ തയ്യൽക്കട നടത്തുന്ന സുൽഫത്ത് തയ്ച്ച വസ്ത്രങ്ങൾ കടയില് നല്കാന് ഭർത്താവ് ഹനീഫയും മകളും ശനിയാഴ്ച വൈകീട്ട് 5.30ഓടെ പോയതിനിടെയായിരുന്നു സംഭവം. തയ്ക്കാൻ നൽകിയ വസ്ത്രങ്ങൾ വാങ്ങാൻ വീട്ടിലെത്തിയ അയല്വാസി വിളിച്ചിട്ട് വാതിൽ തുറക്കാതിരുന്നതിനെ തുടർന്ന് സംശയം തോന്നി അടുത്തുള്ള ബന്ധുക്കളെ വിവരമറിയിക്കുകയായിരുന്നു. തുടർന്ന് നാട്ടുകാർ അടുക്കള ഭാഗത്തെ വാതിൽ ബലം പ്രയോഗിച്ച് തുറന്നുനോക്കിയപ്പോഴാണ് കത്തിക്കരിഞ്ഞ നിലയിൽ മൃതദേഹം കണ്ടെത്തിയത്. ഒഴിഞ്ഞ മണ്ണെണ്ണക്കുപ്പി സമീപം കാണപ്പെട്ടു.
അന്തിക്കാട് സി.ഐ കെഴ്സൺ വി. മാർട്ടിന്റെ നേതൃത്വത്തിൽ പൊലീസ് സ്ഥലത്തെത്തി പരിശോധന നടത്തി. മക്കൾ: നെഫ്ല (ഗൾഫ്), നെഹ്ല.
