വെള്ളറട: രണ്ടുദിവസമായി കാണാനില്ലാതിരുന്ന യുവാവിെൻറ മൃതദേഹം സുഹൃത്തിെൻറ വീട്ടിലെ കിണറ്റില്‍ കെണ്ടത്തി. കീഴാറൂര്‍ ഇടപ്പറക്കോണം മേക്കുംകര പുത്തന്‍വീട്ടില്‍ വിൻസൻറിെൻറ മകന്‍ ഷാജിയുടെ (30) മൃതദേഹമാണ് രണ്ട് കിലോമീറ്റര്‍ അകലെയുള്ള കൂട്ടുകാരന്‍ സുരേഷിെൻറ വീട്ടുവളപ്പിലെ കിണറ്റില്‍നിന്ന് കിട്ടിയത്. കിണറ്റിലെ വെള്ളത്തിലെ ദുര്‍ഗന്ധത്തെതുടർന്ന് ഫയര്‍ഫോഴ്‌സിനെ വിവരമറിയിക്കുകയും ഫയര്‍ഫോഴ്‌സ് എത്തി മൃതദേഹം പുറത്തെടുക്കുകയുമായിരുന്നു. ആര്യങ്കോട് പൊലീസിെൻറ നേതൃത്വത്തില്‍ മൃതദേഹം തിരുവനന്തപുരം മെഡിക്കല്‍ കോളജ് ആശുപത്രി മോര്‍ച്ചറിയിലേക്ക് മാറ്റി. കിണറ്റില്‍ ഷാജിയുടെ മൃതദേഹം കണ്ടതില്‍ ദുരൂഹതയുണ്ടെന്ന് നാട്ടുകാരും ബന്ധുക്കളും പറയുന്നു.
