കുട്ടനാട്: വീടിന് സമീപത്തെ കുളത്തിൽ വീണ് ഒന്നേകാൽ വയസ്സുകാരൻ മുങ്ങി മരിച്ചു. നെടുമുടി പൊങ്ങ ചിറ്റപ്പറമ്പിൽ ഉണ്ണികൃഷ്ണൻ-ആതിര ദമ്പതികളുടെ മകൻ കൃഷ്ണജിത്ത് (ആദിത്യൻ) ആണ് മരിച്ചത്. ബുധനാഴ്ച ഉച്ചക്ക് രണ്ടോടെയായിരുന്നു സംഭവം. ആതിര വീട്ടിൽ ജോലി ചെയ്യുന്നതിനിടെ കുഞ്ഞ് പുറത്തിറങ്ങി പോകുകയായിരുന്നെന്ന് പൊലീസ് പറഞ്ഞു.കാണാതായതിനെത്തുടർന്ന് ആതിരയുടെ ബഹളം കേട്ട് ഓടിയെത്തിയ സമീപവാസികളാണ് കുഞ്ഞിനെ കുളത്തിൽനിന്ന് കണ്ടെടുത്തത്. കിഴക്കേ പൊങ്ങ പാടശേഖരത്തിെൻറ മധ്യഭാഗത്ത് സ്ഥിതി ചെയ്യുന്ന വീടിന് ചുറ്റും വെള്ളക്കെട്ടുണ്ടായിരുന്നു. സംഭവം നടക്കുമ്പോൾ വീട്ടിൽ അമ്മയും കുഞ്ഞും മാത്രമേ ഉണ്ടായിരുന്നുള്ളൂ.
