തിരുവല്ല: ഡ്യൂട്ടിക്കിടെ ബി.എസ്.എഫ് ഇൻസ്‌പെക്ടർ കുഴഞ്ഞുവീണ് മരിച്ചു. തിരുവല്ല മുത്തൂർ ചാലുങ്കൽ പ്രഹരിയിൽ വീട്ടിൽ സി.ജി. സുശീലനാണ് (55) മരിച്ചത്. ഉത്തർപ്രദേശിലെ മഥുരയിലെ ബി.എസ്.എഫ് ക്യാമ്പിലെ ഡ്യൂട്ടിക്കിടെ തിങ്കളാഴ്ച രാവിലെ 11ഓടെയാണ് സംഭവം. ഉടൻ സമീപത്തെ ആശുപത്രിയിൽ എത്തിച്ചെങ്കിലും മരിച്ചു. വിമാനമാർഗം നാട്ടിൽ എത്തിച്ച മൃതദേഹം വ്യാഴാഴ്ച രാവിലെ 11ന് വീട്ടുവളപ്പിൽ സംസ്കരിക്കും. ഭാര്യ: ഗീത. മക്കൾ: ഭരത് എസ്. പണിക്കർ, എബി എസ്. പണിക്കർ.
