കരുവാരകുണ്ട്: പ്രമുഖ കോൺഗ്രസ് നേതാവും ഡി.സി.സി അംഗവുമായ പി. ഉണ്ണിമാൻ (74) നിര്യാതനായി. ആദ്യകാല കോൺഗ്രസ് നേതാവ് തരിശിലെ പാലഞ്ചേരി മൊയ്തീൻ മൊല്ലയുടെ മകനാണ്. 1970 മുതൽ എസ്റ്റേറ്റ്, കുടിയേറ്റ മേഖലകളിൽ തൊഴിലാളികളെ സംഘടിപ്പിക്കുന്നതിൽ നേതൃപരമായ പങ്കുവഹിച്ചു. ഐ.എൻ.ടി.യു.സി ജില്ല കമ്മിറ്റി അംഗം, ഏറനാട് താലൂക്ക് ലേബർ കോൺഗ്രസ് ജന. സെക്രട്ടറി, കോൺഗ്രസ് നിയോജക മണ്ഡലം വൈസ് പ്രസിഡൻറ് തുടങ്ങിയ നിരവധി പദവികൾ വഹിച്ചു. വണ്ടൂർ ബ്ലോക്ക് പഞ്ചായത്ത് സ്ഥിരംസമിതി അധ്യക്ഷനുമായിട്ടുണ്ട്. നിലവിൽ കരുവാരകുണ്ട് സഹകരണ ബാങ്ക് ഡയറക്ടറാണ്. ഭാര്യ: ആസ്യ. മക്കൾ: നസീം, സജ്നു തഅലീം (ദുബൈ), സുഹ്റ, സാജിദ, അനീസ. മരുമക്കൾ: അബ്ദുസ്സലാം (അരീച്ചോല), അബ്ദുൽ കരീം (എപ്പിക്കാട്), യുസുഫ് (കാപ്പ് വെട്ടത്തൂർ), സഫീന (ഇരിങ്ങാട്ടിരി), സഫാന (മൂച്ചിക്കൽ).
