കറുകച്ചാൽ: കറുകച്ചാൽ-മല്ലപ്പള്ളി റോഡിൽ വെട്ടിക്കാവുങ്കലിന് സമീപം വ്യാഴാഴ്ച വൈകീട്ട് ഏഴിന് കെ.എസ്.ആർ.ടി.സി ബസിടിച്ച് പരിക്കേറ്റ സ്കൂട്ടർ യാത്രികനായ യുവാവ് മരിച്ചു. മല്ലപ്പള്ളി പയറ്റുകാല പാടിമൺ മരുതുംകുന്നേൽ കുട്ടപ്പെൻറ മകൻ ബിനുവാണ് (34) മരിച്ചത്. മേസ്തിരി ജോലി കഴിഞ്ഞ് തോട്ടയ്ക്കാട്ടുനിന്ന് മല്ലപ്പള്ളിയിലെ വീട്ടിലേക്ക് പോകുമ്പോൾ ബിനുവിെൻറ സ്കൂട്ടർ മുന്നിൽപോയ മറ്റൊരു ബൈക്കുമായി തട്ടിയതിനിടെയാണ് എതിരെ വന്ന കെ.എസ്.ആർ.ടി.സി ബസ് ഇടിച്ചത്. ബൈക്ക് യാത്രികനും പരിക്കേറ്റു. ഗുരുതര പരിക്കേറ്റ ബിനുവിനെ നാട്ടുകാരും പൊലീസും ചേർന്ന് കറുകച്ചാലിലെ സ്വകാര്യ ആശുപത്രിയിലും തുടർന്ന് കോട്ടയം മെഡിക്കൽ കോളജ് ആശുപത്രിയിലും പ്രവേശിപ്പിച്ചു. രാത്രി 10.30ഓടെ മരിച്ചു. ഭാര്യ: അനു. മക്കൾ: അനീഷ, അഭിജിത്ത്. സംസ്‌കാരം ശനിയാഴ്ച ഒന്നിന് സ്വർഗീയ വിരുന്ന് സഭ സെമിത്തേരിയിൽ.
