കൊട്ടാരക്കര: നിർമാണം നടന്നുകൊണ്ടിരിക്കുന്ന കെട്ടിടത്തിൽനിന്ന് താഴെ വീണ് യുവാവ് മരിച്ചു. കൊട്ടാരക്കര തൃക്കണ്ണമംഗൽ കാഞ്ഞിരംവിളവീട്ടിൽ മഹേഷ് (മനു-26) ആണ് മരിച്ചത്. ചൊവ്വാഴ്ച അർധരാത്രിയോടെയാണ് സംഭവം. കൊട്ടാരക്കര സബ് ജയിലിന് സമീപത്തെ കെട്ടിടത്തിലാണ് അപകടമുണ്ടായത്.
പിക്കപ്പ് ഓട്ടോ ഓടിക്കുന്ന മഹേഷ് നിർമാണ സാമഗ്രികളുമായി ഇവിടേക്ക് എത്തിയതാണ്. മറ്റ് തൊഴിലാളികളുമായി വീടിെൻറ ഒന്നാംനിലയിൽ വർത്തമാനം പറയുന്നതിനിടെ കൈവരിയുണ്ടെന്ന ധാരണയിൽ വശത്തേക്ക് ചാരുകയും താഴേക്ക് പതിക്കുകയായിരുന്നു. ഉടൻതന്നെ കൊട്ടാരക്കര താലൂക്ക് ആശുപത്രിയിലും അവിടെനിന്ന് തിരുവനന്തപുരത്തെ സ്വകാര്യ ആശുപത്രിയിലും എത്തിച്ചെങ്കിലും രക്ഷിക്കാനായില്ല.
ഭാര്യ: അജിത. മകൾ: ആത്മിക. കൊട്ടാരക്കര പൊലീസ് കേസെടുത്തു
