പെരുമ്പാവൂർ: തെങ്ങിൽ കയറുന്നതിനിടെ വയോധികൻ വൈദ്യുതാഘാതമേറ്റ് മരിച്ചു. കുറുപ്പംപടി മേയ്ക്കപ്പാല കണ്ണംപറമ്പ് പറമ്പിവീട്ടിൽ തങ്കപ്പനാണ് (68) മരിച്ചത്. കുറുപ്പംപടി തിയറ്റർപടിയിൽ മാലിക്കുടി വർഗീസിെൻറ പുരയിടത്തിലെ തെങ്ങിൽ കയറുന്നതിനിടെ രാവിലെയാണ് അത്യാഹിതം. ഓലവെട്ടുമ്പോൾ സമീപത്തെ 33 കെ.വി ലൈനിൽ തട്ടുകയായിരുന്നു. വൈദ്യുതാഘാതമേറ്റ് നിലത്തുവീണ് തൽക്ഷണം മരിച്ചു.
കുറുപ്പംപടി പൊലീസ് സംഭവസ്ഥലത്തെത്തി മൃതദേഹം പെരുമ്പാവൂർ താലൂക്ക് ആശുപത്രിയിലേക്ക് മാറ്റി. കോവിഡ് പരിശോധനക്കുശേഷം പോസ്റ്റ്മോർട്ടം നടത്തി മൃതദേഹം ബന്ധുക്കൾക്ക് വിട്ടുകൊടുക്കും. ഭാര്യ: ചന്ദ്രു. മക്കൾ: പ്രസന്ന, മഞ്ജു, മായ. മരുമക്കൾ: മധു, അനീഷ്.
