കൊട്ടാരക്കര: േകാവിഡ് ബാധിച്ച യുവാവ് മരിച്ചു. വെണ്ടാർ ഇടക്കടമ്പ് തുളസി ഭവനത്തിൽ (തുണ്ടിൽ വീട്) തുളസീധരൻ പിള്ള, ഉമ ദമ്പതികളുടെ മകൻ ടി. പ്രജീഷ്(37) ആണ് മരിച്ചത്. പത്തനംതിട്ട ബിവറേജസ് കോർപറേഷനിലെ ക്ലർക്ക് ആയിരുന്നു.
ഭാര്യയെയും മകളെയും പാലക്കാട്ടെ ജോലിസ്ഥലത്ത് കൊണ്ടുപോയിട്ട് തിരികെ വന്നപ്പോഴാണ് പ്രജീഷിന് േകാവിഡ് സ്ഥിരീകരിച്ചത്. മൂന്ന് ദിവസമായി വീട്ടിൽത്തന്നെ എ.സി മുറിയിൽ കഴിയുകയായിരുന്നു. രാവിലെ ബന്ധുക്കളോട് വർത്തമാനം പറഞ്ഞശേഷമാണ് അസ്വസ്ഥതകൾ അനുഭവപ്പെട്ടത്. എട്ടരയോടെ കൊല്ലം ജില്ല ആശുപത്രിയിലേക്ക് കൊണ്ടുപോകുംവഴി മരിച്ചു. മൃതദേഹം നടപടികൾ പൂർത്തിയാക്കി വൈകീട്ടോടെ േകാവിഡ് മാനദണ്ഡങ്ങൾ പാലിച്ച് വീട്ടുവളപ്പിൽ സംസ്കരിച്ചു. ഭാര്യ: ആർ.വി. ഹരിതാകൃഷ്ണൻ (വനംവകുപ്പ്, പാലക്കാട്‌). മകൻ: ഹരികേഷ് (ഒരു വയസ്സ്).
