മുളങ്കുന്നത്തുകാവ്: ഗവ. മെഡിക്കൽ കോളജ് കോവിഡ് വാർഡിൽ ചികിത്സയിൽ കഴിഞ്ഞിരുന്ന രോഗിയെ ബാത്ത് റൂമിൽ കുഴഞ്ഞുവീണ് മരിച്ച നിലയിൽ കാണപ്പെട്ടു. കുരിയച്ചിറ കെയ്കോ റോഡ് മാവേലി നഗർ പറപ്പറമ്പിൽ കറപ്പെൻറ മകൻ മോഹനൻ (63) ആണ് മരിച്ചത്. ഭാര്യ: ഇന്ദിര. മകൻ: വിപിൻദാസ്. മരുമകൾ: ഹരിത. മെഡിക്കൽ കോളജ് ആശുപത്രിയിൽ ശ്വാസതടസ്സവും ദേഹാസ്വാസ്ഥ്യവും മൂലം ഞായറാഴ്ചയാണ് ഇയാളെ പ്രവേശിപ്പിച്ചത്. ചൊവ്വാഴ്ച രാവിലെ മരിച്ച നിലയിൽ കാണുകയായിരുന്നു. ആശുപത്രി വാർഡിലെ ബാത്ത് റൂമിൽ രാവിലെ ആറിന് കയറിയ മോഹനൻ വാതിലടച്ചിരുന്നില്ല. രാവിലെ ഉണർന്ന ശേഷം ആരെയും അറിയിക്കാതെ ബാത്ത് റൂമിലേക്ക് പോവുകയായിരുന്നു.
