തിരുവനന്തപുരം: പ്രമുഖ വ്യവസായിയും യുനൈറ്റഡ് ഏജൻസീസ് ൈപ്രവറ്റ് ലിമിറ്റഡ് മാനേജിങ് ഡയറക്ടറുമായ കൈമനം, സർവശ്രീയിൽ പി. വേലായുധൻ പിള്ള (വേലപ്പൻ - 89) നിര്യാതനായി. 1953ൽ സ്ഥാപിച്ച റേഡിയോ ആൻഡ് ലാംപ്സ് ലിമിറ്റഡാണ് പിന്നീട് യുനൈറ്റഡ് ഏജൻസീസ് ആയത്. ബജാജ് ഇലക്ട്രിക്കൽസിെൻറ കേരളത്തിലെ ആദ്യകാല വിതരണക്കാരായിരുന്നു. അരവിന്ദ് ഫ്യൂവൽസ്, അരവിന്ദ് ഗ്യാസ്, ശ്രീബാലാജി ആൻഡ് കോ., ശിവശക്തി എൻജിനീയറിങ് ആൻഡ് ഫാബ്രിക്കേറ്റേഴ്സ് പ്രൈവറ്റ് ലിമിറ്റഡ് പാലക്കാട്, ശാസ്താ ഏജൻസീസ്, ശിവപ്രസാദ് ഇലക്ട്രിക് കമ്പനി, ശ്രീ വെങ്കിടേശ്വര ഏജൻസീസ് തുടങ്ങിയ സംരംഭങ്ങളിലൂടെ വ്യവസായരംഗത്ത് ആറ് പതിറ്റാണ്ടോളം സജീവമായിരുന്നു. ട്രിവാൻഡ്രം ക്ലബിലെ മുതിർന്ന അംഗവും സെക്രട്ടറിയുമായിരുന്നു. ട്രിവാൻഡ്രം ചേംബർ ഒാഫ് കോമേഴ്സ്, ടെന്നീസ് ക്ലബ്, ഗോൾഫ് ക്ലബ് എന്നിവയിൽ അംഗവും മാസോണിക് ലോഡ്ജിെൻറ മാസ്റ്ററുമായിരുന്നു. മക്കൾ: എസ്. പത്മ, പി.വി. അയ്യപ്പൻ, പി.വി. സുബ്രഹ്മണ്യൻ (മുരുകൻ), എസ്. മീനാക്ഷി.
