തൃശൂർ: തൃശൂർ അതിരൂപതയിലെ സീനിയർ വൈദികൻ ഫാ. ജേക്കബ് തൈക്കാട്ടിൽ (87) നിര്യാതനായി. തൃശൂർ അതിരൂപത വേലൂർ ഫൊറോന ഇടവകയിലെ പരേതരായ ജോസഫ്- മറിയം ദമ്പതികളുടെ മകനായി 1933 ആഗസ്റ്റ് 25ന് ജനിച്ചു. തൃശൂർ മൈനർ സെമിനാരി, ആലുവ സെൻറ് ജോസഫ്സ് പൊന്തിഫിക്കൽ സെമിനാരി എന്നിവിടങ്ങളിലെ വൈദിക പരിശീലനത്തിനു ശേഷം 1960 മാർച്ച് 13ന് മാർ ജോർജ് ആലപ്പാട്ടിൽനിന്ന് ആലുവയിൽ െവച്ച് തിരുപ്പട്ടം സ്വീകരിച്ചു. കോട്ടപ്പടി, ചേലക്കര, പുത്തൻപീടിക, പാലക്കാട് സെൻറ് റാഫേൽ എന്നീ ഇടവകകളിൽ സഹവികാരിയായി സേവനം ആരംഭിച്ച അദ്ദേഹം മായന്നൂർ, എരനെല്ലൂർ, പാറന്നൂർ, നെല്ലായി, നന്തിക്കര, കല്ലൂർ പടിഞ്ഞാറ്, അത്താണി, നെടുപുഴ, ചിറ്റിശ്ശേരി എന്നിവിടങ്ങളിൽ വികാരിയായും സേവനം ചെയ്തിട്ടുണ്ട്. പാലക്കാട് രൂപതയിലെ അഗളിയിൽ ദീർഘകാലത്തെ അജപാലന ശുശ്രൂഷക്കുശേഷം വീണ്ടും തൃശൂർ രൂപതയിൽ സേവനത്തിനെത്തി. 1989 മുതൽ സെൻറ് ജോസഫ്സ് വൈദിക മന്ദിരത്തിൽ വിശ്രമജീവിതം നയിച്ചു വരുകയായിരുന്നു. റാഫേൽ, വർക്കി, ജോസഫ്, പരേതരായ എലിസബത്ത്, മാത്യു, സെബാസ്റ്റ്യൻ, മേരി എന്നിവർ സഹോദരങ്ങളാണ്. സംസ്കാരം മേയ് മൂന്നിന് ഉച്ച കഴിഞ്ഞ് 2.30ന് വേലൂർ ഫൊറോന പള്ളി സെമിത്തേരിയിൽ.
