തച്ചനാട്ടുകര: കുളിക്കാനിറങ്ങിയ വിദ്യാർഥിനി കുളത്തിൽ മുങ്ങി മരിച്ചു. തച്ചനാട്ടുകര ചെത്തല്ലൂർ പുളിക്കൽ ജയനാരായണൻ -സബിത ദമ്പതികളുടെ മകൾ സജിത ജയൻ (14) ആണ് മരിച്ചത്. വെള്ളിയാഴ്‌ച ഉച്ചക്ക് ഒന്നരക്കാണ് സംഭവം. പാലോട് കൂത്തുപറമ്പിലെ അമ്മയുടെ വീട്ടിൽ വിരുന്നുവന്ന സജിത സഹോദരിയോടൊപ്പം സമീപത്തെ കുളത്തിൽ കുളിക്കുന്നതിനിടെ അബദ്ധത്തിൽ വെള്ളത്തിൽ താഴ്ചയിൽ പെടുകയായിരുന്നു. ഒ‍ാടിക്കൂടിയ നാട്ടുകാർ ചേർന്ന് പുറത്തെടുത്ത് ആശുപത്രിയിലെത്തിച്ചെങ്കിലും രക്ഷിക്കാനായില്ല. കുണ്ടൂർകുന്ന് ഹൈസ്കൂൾ ഒമ്പതാം ക്ലാസ് വിദ്യാർഥിനിയാണ്.
