അഴീക്കോട്: വയോധികയായ വീട്ടമ്മയെ വീട്ടുമുറ്റത്തെ കുടിവെള്ള ടാങ്കിൽ മരിച്ച നിലയിൽ കണ്ടെത്തി. അഴീക്കോട് മാർത്തോമ ആശുപത്രിക്ക് സമീപം പള്ളിയിൽ സ്റ്റീഫെൻറ ഭാര്യ ഷീലയാണ് (71) മരിച്ചത്. കുടിവെള്ളം ശേഖരിക്കാൻ വീട്ടുമുറ്റത്ത് നിർമിച്ച കോൺക്രീറ്റ് ടാങ്കിലെ വെള്ളത്തിൽ മുങ്ങി മരിച്ച നിലയിലായിരുന്നു. തിങ്കളാഴ്ച രാവിലെയാണ് സംഭവം. കൊടുങ്ങല്ലൂർ പൊലീസ് മേൽനടപടി സ്വീകരിച്ചു. മകൻ: ടോം ജേക്കബ്. മരുമകൾ: ഷാലി. സംസ്കാരം ചൊവ്വാഴ്ച അഴീക്കോട് സെൻറ് തോമസ് ലാറ്റിൻ പള്ളി സെമിത്തേരിയിൽ.
