ചാവക്കാട്: എഴുത്തുകാരൻ വി.ബി. ജ്യോതിരാജ് (69) നിര്യാതനായി. മണത്തല ബേബിറോഡ് സ്വദേശിയും ചാവക്കാട് മേഖലയിലെ ആദ്യകാല കമ്യൂണിസ്റ്റ് നേതാവായിരുന്ന വി.കെ. ബാലെൻറ മകനുമാണ്. ബാല്യകാല ചാപല്യങ്ങള്‍, വെളിച്ചം അകലെയാണോ, ക്രൂശ്‌, മഴനൃത്തം, ഭ്രാന്തൻ പൂക്കളിലെ ചുകപ്പ് എന്നീ കഥാസമാഹാരങ്ങള്‍ പ്രസിദ്ധീകരിച്ചിട്ടുണ്ട്‌. 1969ൽ മാതൃഭൂമി ആദ്യമായി പുറത്തിറക്കിയ വിഷുപ്പതിപ്പ് കഥാമത്സരത്തിൽ ഹൈസ്കൂൾ വിഭാഗത്തിൽ സമ്മാനിതനായിരുന്നു. തൃശൂരിലെ ഒരു സ്വകാര്യ പ്രസാധനശാലയിൽ എഡിറ്റർ ആയിരുന്നു. ഭാര്യ: അംബിക. മക്കൾ: സുജിത് രാജ്, ജ്യോതിഷ് രാജ്.
