വടക്കേക്കാട്: കോവിഡ് ബാധിച്ച് നിരീക്ഷണത്തിലിരുന്ന യുവതിയേയും പിഞ്ചു കുഞ്ഞിനേയും കിണറ്റിൽ മരിച്ച നിലയിൽ കണ്ടെത്തി. വൈലേരിപ്പീടിക വാലത്തിൽ രാജേഷിെൻറ ഭാര്യ സിനിയുടെയും (28) 17 ദിവസം പ്രായമുള്ള ആൺകുഞ്ഞിെൻറയും മൃതദേഹമാണ് ചൊവ്വാഴ്ച പുലർച്ചെ രണ്ടോടെ വീട്ടിന് സമീപത്തെ പൊതുകിണറ്റിൽനിന്ന് കണ്ടെടുത്തത്. രാജേഷും അഞ്ചു വയസ്സുള്ള മകനുമാണ് വീട്ടിലുണ്ടായിരുന്നത്. ഉറങ്ങുന്നതിനിടെ സിനിയേയും കുഞ്ഞിനേയും കാണാതാവുകയായിരുന്നു. അയൽക്കാർ അറിയിച്ചതനുസരിച്ച് അഭയം പാലിയേറ്റിവ് പ്രവർത്തകരും ഫയർഫോഴ്‌സും വടക്കേക്കാട് പൊലീസും ചേർന്നാണ് മൃതദേഹങ്ങൾ പുറത്തെടുത്തത്. തൃശൂർ മെഡിക്കൽ കോളജിൽ പോസ്റ്റുമോർട്ടത്തിന് ശേഷം കോവിഡ് പ്രോട്ടോകോൾ പാലിച്ച് മൃതദേഹങ്ങൾ വടക്കേക്കാട് പൊതുശ്മശാനത്തിൽ സംസ്കരിച്ചു. യുവതി നേരത്തെ മാനസികാസ്വാസ്ഥ്യം പ്രകടിപ്പിച്ചിരുന്നതായി ബന്ധുക്കൾ പറഞ്ഞു.
