ആനക്കര: മാതൃഭൂമി ഡയറക്ടർ കേണൽ എ.വി.എം. അച്യുതൻ (95) അന്തരിച്ചു. സ്വാതന്ത്ര്യ സമരസേനാനികളും മാതൃഭൂമി സ്ഥാപക ഡയറക്ടർമാരുമായിരുന്ന കോഴിപ്പുറത്ത് മാധവൻ മേനോെൻറയും എ.വി. കുട്ടിമാളുവിെൻറയും മകനായി 1926ലാണ് എ.വി.എം. അച്യുതൻ ജനിച്ചത്. കോഴിക്കോട്ടാണു ജനിച്ചതെങ്കിലും വളർന്നതും പഠിച്ചതുമെല്ലാം ഒറ്റപ്പാലത്തായിരുന്നു. 30 വർഷത്തെ സൈനിക സേവനത്തിന് ശേഷം കേണലായി വിരമിച്ചു. നീലം സഞ്ജീവ റെഡ്ഡി രാഷ്ട്രപതി ആയിരുന്നപ്പോൾ കേണൽ അച്യുതനായിരുന്നു രാഷ്ട്രപതി ഭവെൻറ കംപ്ട്രോളർ. പാകിസ്താെൻറ കശ്മീർ ആക്രമണം തടയാൻ പഠാൻകോട്ടിൽ നിയമിക്കപ്പെട്ട സംഘത്തിൽ ഒരാൾ അച്യുതനായിരുന്നു. 1985ൽ അമ്മ എ.വി. കുട്ടിമാളു അമ്മയുടെ നിര്യാണത്തിനു ശേഷമാണ് കേണൽ അച്യുതൻ മാതൃഭൂമിയുടെ ഡയറക്ടറാവുന്നത്. ഭാര്യ: മാലിനി. രോഹിണി, രജിനി, രാജഗോപാൽ എന്നിവർ മക്കളാണ്.