കരുനാഗപ്പള്ളി: ബഹ്‌റൈനിലെ പ്രമുഖ വ്യവസായി കരുനാഗപ്പള്ളി ആദിനാട് കൊച്ചാലുമൂട് അൽ ആഫിയയിൽ കെ. അബ്ദുൽ സലാം (67) നിര്യാതനായി. പുള്ളിയിൽ പരേതനായ കെ.പി. കോയാകുട്ടിയാണ് പിതാവ്. മാതാവ്: സൂറാ ബീവി. ഭാര്യ: സുബൈദ. മകൻ: ഹിസാം അബ്ദുൽസലാം. മരുമകൾ: റൂബിയ. 1976ൽ ബഹ്‌റൈനിലെത്തിയ ഇദ്ദേഹം അൽഖാദി ട്രാവൽസ്, അൽ പെസ്റ്റോ റെസ്റ്റോറൻറ്, അറാദ് ഡെൻറൽ ക്ലിനിക്, അൽ ഹമദ് ഡെൻറൽ ക്ലിനിക്, അൽ പെസ്റ്റോ ഗാരേജ് തുടങ്ങി നിരവധി സ്ഥാപനങ്ങളുടെ ഉടമയാണ്. കിഡ്‌നി സംബന്ധമായ ചികിത്സക്കായി ഏറെനാളായി സ്വദേശമായ കരുനാഗപ്പള്ളിയിലായിരുന്നു. ഖബറടക്കം പുത്തൻതെരുവ് മുസ്‌ലിം ജമാഅത്ത് ഖബർസ്ഥാനിൽ നടന്നു. കേരള മുസ്‌ലിം ജമാഅത്ത് ഫെഡറേഷൻ സംസ്ഥാന ജനറൽ സെക്രട്ടറിയും പുത്തൻതെരുവ് മുസ്‌ലിം ജമാഅത്ത് പ്രസിഡൻറുമായ അഡ്വ.കെ.പി. മുഹമ്മദ് പിതൃസഹോദരനാണ്. പരേതെൻറ നിര്യാണത്തിൽ ബഹ്‌റൈൻ മൈത്രി സോഷ്യൽ അസോസിയേഷൻ അനുശോചിച്ചു.
