തളിക്കുളം: പനി ബാധിച്ച് വീട്ടിൽ കുഴഞ്ഞുവീണ് മരിച്ച മധ്യവയസ്കന് കോവിഡ്. തളിക്കുളം മുറ്റിച്ചൂർ പാലത്തിന് തെക്ക് കുറുപ്പൻ വീട്ടിൽ പ്രമോദ് (55) ആണ് മരിച്ചത്. രണ്ട് ദിവസമായി നേരിയ പനി ഉണ്ടായിരുന്നു. വീട്ടിൽ കസേരയിൽ ഇരിക്കുമ്പോഴാണ് കുഴഞ്ഞു വീണത്. സമീപവാസികൾ താങ്ങി ആംബുലൻസിൽ കയറ്റും മുമ്പ് മരിച്ചിരുന്നു. തുടർന്ന് ഏങ്ങണ്ടിയൂരിലെ സ്വകാര്യ ആശുപത്രിയിൽ കൊണ്ടുപോയി. പരിശോധനയിലാണ് കോവിഡ് സ്ഥിരീകരിച്ചത്. മുമ്പ് ടൈൽസ് പണിക്കാരനായിരുന്നു. സംസ്കാരം നടത്തി. ഭാര്യ: സൗമിനി. മക്കൾ: പ്രെവ്യ, പ്രെസ്യ.
