മതിലകം: പ്രശസ്ത അനൗൺസറും പ്രചാരണ കലാകാരനുമായ ബഷീർ (പവ്വർ ബഷീർ -58) നിര്യാതനായി. മതിലകം കൂളിമുട്ടം കല്ലിപറമ്പിൽ അബ്ദുവി‍െൻറ മകനാണ്. വ്യഴാഴ്ച അർധരാത്രി ഉണ്ടായ ഹൃദയാഘാതത്തെ തുടർന്നാണ് മരണം.മൂന്ന് പതിറ്റാണ്ടിലേറെയായി തീരദേശമേഖലയിലെ മൈക്ക് പ്രചാരണ രംഗത്തെ ശ്രദ്ധേയവും സജീവ സാന്നിധ്യവുമായിരുന്നു. മൈക്ക് ആൻഡ് സൗണ്ട് സംഘടനയായ എൽ.എസ്.ഡബ്ല്യു.എ.കെ ജില്ല കമ്മിറ്റി സ്ഥാപിത കാലം മുതൽ പ്രസിഡൻറാണ്. ഭാര്യ: കദിജാബി. മക്കൾ: ബബിത, ബനീഷ്, ബിൻഷാദ്. മരുമക്കൾ: റാഫി, അൽഫിയ, സബിത. ഖബറടക്കം പ്രാണിയാട് ജുമാമസ്ജിദ് ഖബർസ്ഥാനിൽ നടന്നു.
