ചാവക്കാട്: കടപ്പുറത്ത് ഭാര്യയെ കുത്തിപ്പരിക്കേൽപിച്ച ശേഷം യുവാവ് തൂങ്ങി മരിച്ചു. കടപ്പുറം ആശുപത്രിപ്പടി തൊട്ടാപ്പിൽ റമദാൻ വീട്ടിൽ സെയ്ദു മുഹമ്മദി‍െൻറ മകൻ ഇസ്ഹാഖാണ് (32) വീട്ടിനുള്ളിൽ തൂങ്ങി മരിച്ചത്. വെള്ളിയാഴ്ച വൈകീട്ട് അഞ്ചോടെയാണ് സംഭവം. ഭാര്യ ഐഷയുമായി വഴക്കിട്ട ശേഷം ഇസ്ഹാഖ് അവരെ കുത്തിപ്പരിക്കേൽപിക്കുകയായിരുന്നു. ബഹളംകേട്ട് ഓടിക്കൂടിയവർ ഉടൻ ഐഷയെ ആശുപത്രിയിലേക്ക് കൊണ്ടുപോയി. ഇതിനിടയിൽ വീട്ടിലെ മുറിയിൽ കയറിയ ഇസ്ഹാഖ് തൂങ്ങി മരിക്കുകയുമായിരുന്നു. ചാവക്കാട് ഹയാത്ത് ആശുപത്രിയിൽ എത്തിച്ചെങ്കിലും മരിച്ചു. ഐഷ തൃശൂർ അമല ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലാണ്. ഇസ്ഹാഖ് അഞ്ചങ്ങാടിവളവിലെ ഓട്ടോറിക്ഷ പാർക്കിലെ ഡ്രൈവറാണ്. മതാവ്: സുഹറ. മകൻ: ഇഷാന്‍ സെയ്ദ് (മൂന്ന്).
