വടക്കഞ്ചേരി: കോവിഡ് ബാധിച്ച് ചികിത്സയിലിരിക്കെ വയോധികൻ മരിച്ചു. ഇരട്ടകുളം കുറുവട്ട പരേതനായ അയ്യപ്പെൻറ മകൻ വേലായുധൻ (75) ആണ് മരിച്ചത്. കഴിഞ്ഞ ഒരാഴ്ചയിൽ അധികമായി കഞ്ചിക്കോട് കിൻഫ്ര കോവിഡ് സെൻററിലായിരുന്നു. ബുധനാഴ്ച വൈകിട്ടോടെ ശ്വാസതടസ്സം കൂടിയതിനെ തുടർന്ന് പാലക്കാട് സ്വകാര്യാശുപത്രിയിൽ എത്തിച്ചെങ്കിലും ഇന്നലെ ഉച്ചയോടെ മരിച്ചു. തുടർന്ന് മൃതദേഹം പാലക്കാട് വൈദ്യുത ശ്മശാനത്തിൽ സംസ്കരിച്ചു. ഭാര്യ: പൊന്നു. മക്കൾ: വാസു, സുജാത. മരുമക്കൾ: ചന്ദ്രൻ, ദേവി.
കോട്ടായി: കോവിഡ് ബാധിച്ച് ചികിത്സയിലിരിക്കെ 22കാരൻ മരിച്ചു. കോട്ടായി അയ്യംകുളം അംബേദ്കർ കോളനിയിൽ കൃഷ്ണൻ-ലക്ഷ്മി ദമ്പതികളുടെ മകൻ (ശബരീഷ്) ആണ് മരിച്ചത്. കോവിഡ് ബാധിച്ച് ഒരാഴ്ചയായി പാലക്കാട് ജില്ല ആശുപത്രിയിൽ ചികിത്സയിലായിരുന്നു.
ആനക്കര: കോവിഡ് ബാധിച്ച ചികിത്സയിലിരിക്കെ മരിച്ചു. കപ്പൂർ പഞ്ചയാത്തിലെ ആറാം വാർഡിൽ വെന്മരത്തിൽ മൊയ്തുണ്ണിയുടെ മകൻ ഇബ്രാഹിമാണ് (54) തൃശൂർ ജൂബിലി മിഷൻ ആശുപത്രിയിൽവെച്ച് മരിച്ചത്. വൃക്കസംബന്ധമായ അസുഖത്തെ തുടർന്ന് ചികിത്സയിലായിരുന്നു. നാല് ദിവസം മുമ്പ് കോവിഡ് സ്ഥിരീകരിച്ചിരുന്നു. മാതാവ്: സുഹറ. ഭാര്യ: ലൈല. മക്കൾ: അജ്മൽ, ലുബ്‌ന. മരുമകൻ: ജാഫർ. സഹോദരങ്ങൾ: അയിഷ, നാസർ, ഷാജി, അഹമ്മദ്കുട്ടി. സംസ്കാരം വെള്ളിയാഴ്‌ച ഉച്ചക്ക് കോവിഡ് മാനദണ്ഡം പാലിച്ച് കൊഴിക്കര ജുമാമസ്ജിദ് ഖബർസ്ഥാനിൽ നടന്നു.
