പഴഞ്ഞി: കൂട്ടുകാരുമൊത്ത് ദുബൈയിൽ ഫുട്ബാൾ കളിക്കുന്നതിനിടെ കാട്ടകാമ്പാൽ സ്വദേശി കുഴഞ്ഞുവീണ് മരിച്ചു. ചിറയൻകാട് അത്തമാൻ വീട്ടിൽ പരേതനായ മുഹമ്മദാലിയുടെ മകൻ ഹുസൈനാണ് (56) മരിച്ചത്.
38 വർഷമായി ദുബൈ ഗൽദാരി മോട്ടോർ ഡ്രൈവിങ് സ്കൂൾ വെഹിക്കിൾ ഇൻസ്ട്രക്ടറായി ജോലി ചെയ്തു വരുകയായിരുന്നു. അവസാനമായി മൂന്നുമാസം മുമ്പാണ് നാട്ടിലെത്തി മടങ്ങിയത്. വെള്ളിയാഴ്ച പുലർച്ചയായിരുന്നു മരണം. ദുബൈ അൽഖൂസ് ഖബർസ്ഥാനിൽ ഖബറടക്കം നടത്തി. മാതാവ്: ഹവ്വാഉമ്മ. ഭാര്യ: ഫാത്തിമ. മക്കൾ: സുഫൈർ (ദുബൈ), ബാസിം, ആസിയ. മരുമക്കൾ: മനാഫ്, ഹസീന.
