ആലത്തൂർ: കാവശ്ശേരി പാടുർ തോണിക്കടവ് ടയര്‍ കമ്പനിയിലെ തൊഴിലാളിയെ കമ്പനിക്കകത്ത് മരിച്ച നിലയില്‍ കാണപ്പെട്ടു. മുടപ്പല്ലൂർ ചക്കാന്തറയിൽ താമസിക്കുന്ന കോട്ടയം കറുകച്ചാലിൽ പരേതനായ ജോണിെൻറ മകൻ ജോർജ്ജ് (55) ആണ് മരിച്ച നിലയിൽ കാണപ്പെട്ടത്.കുടുംബാംഗങ്ങളിൽ ചിലർക്ക് കോവിഡ് പൊസിറ്റിവായതിനാൽ ജോർജ്ജ് കമ്പനിയിലാണ് കിടന്നിരുന്നത്.തിങ്കളാഴ്ച രാവിലെ കമ്പനി തുറക്കാന്‍ വന്ന സെക്യൂരിറ്റി ജീവനക്കാരനാണ് മരിച്ച നിലയിൽ കണ്ടത്. ആലത്തൂര്‍ പൊലീസെത്തി മൃതദേഹം താലൂക്കാശുപത്രിയിലേക്ക് മാറ്റി.35 വർഷമായി മുടപ്പല്ലൂരിൽ താമസിക്കുന്ന ജോർജ്ജ് വർഷങ്ങളായി തോണിക്കടവിലെ ടയർ കമ്പനിയിൽ ജോലി ചെയ്യുന്നു.മാതാവ് പരേതയായ ഏലിയാമ. ഭാര്യ: സിനി. മക്കൾ: ജോൺസി, ജ്യോതിഷ്, ജോൺ. സഹോദരങ്ങൾ: ആലീസ്, സോഫി, ജോഷി, ബിദുരച്ചൻ.
