പട്ടാമ്പി: ഗായകനും ‘സന മീഡിയ’ വ്ലോഗറുമായ ഷഹീർ പള്ളിപ്പുറം (39) നിര്യാതനായി. പട്ടാമ്പി-പള്ളിപ്പുറം റൂട്ടിലോടുന്ന സന ബസ് ഡ്രൈവറായിരുന്ന കരിയന്നൂർ ഉപ്പിൽതൊടി ഷഹീർ നാട്ടിൻപുറത്തെ വേറിട്ട കാഴ്ചകളും കലാകായിക സാംസ്കാരിക രംഗത്തെ വിശേഷങ്ങളും പങ്കുവെക്കുന്ന സന മീഡിയ യൂട്യൂബ് ചാനലിലൂടെയാണ് ശ്രദ്ധേയനായത്. കോവിഡ് ബാധയെത്തുടർന്ന് പത്തുദിവസത്തോളമായി ചികിത്സയിലായിരുന്നു. ശ്വാസതടസ്സം മൂർച്ഛിച്ച് തിങ്കളാഴ്ച രാത്രി രണ്ടോടെയായിരുന്നു മരണം. ഭാര്യ: സുമയ്യ. മക്കൾ: സന, ഹന.
