ഇരിങ്ങാലക്കുട: സി.പി.എം മുൻ ഏരിയ കമ്മിറ്റി അംഗവും ഡി.വൈ.എഫ്.ഐ ജില്ല എക്സിക്യൂട്ടിവ് അംഗവുമായിരുന്ന അഡ്വ. ടി.എൻ. മധു (51) നിര്യാതനായി. ഏപ്രിൽ 21ന് കോവിഡ് സ്ഥിരീകരിച്ചതിനെ തുടർന്ന് ഇരിങ്ങാലക്കുട താലൂക്ക് ആശുപത്രി, തൃശൂർ ഹാർട്ട് ഹോസ്പിറ്റൽ, കളമശ്ശേരി രാജഗിരി ആശുപത്രി എന്നിവിടങ്ങളിൽ ചികിത്സയിലായിരുന്നു. കോവിഡ് മുക്തനായെങ്കിലും ന്യുമോണിയ ബാധിക്കുകയായിരുന്നു. ഹൃദയസ്തംഭനത്തെ തുടർന്ന് ബുധനാഴ്ച രാവിലെ 11ഓടെയാണ് മരിച്ചത്. ഇടതുപക്ഷ പ്രസ്ഥാനത്തിൽ ദീർഘകാലം പ്രവർത്തിച്ച ഇദ്ദേഹം എസ്.എഫ്.ഐ ഏരിയ സെക്രട്ടറി, കല്ലങ്കുന്ന് സർവിസ് സഹകരണ ബാങ്ക് പ്രസിഡൻറ് എന്നീ നിലകളിൽ പ്രവർത്തിച്ചിട്ടുണ്ട്. ഐക്കരക്കുന്ന് തറയിൽ നാരായണെൻറ മകനാണ്. ഭാര്യ: നിത. മക്കൾ: അർജുൻ, ലക്ഷ്മി
