പഴഞ്ഞി: കോവിഡ് രോഗിയായ പഴഞ്ഞി സ്വദേശിയെ നാട്ടികയിലെ ലുലു സി.എഫ്.എല്‍.ടി.സിയുടെ ശുചിമുറിയില്‍ തൂങ്ങി മരിച്ച നിലയില്‍ കണ്ടെത്തി. അരുവായി ഭട്ടുമുറി പുഷ്പാകരന്‍ (കുട്ടന്‍ -53) ആണ് മരിച്ചത്. ചൊവ്വാഴ്ച രാവിലെ എട്ടോടെയാണ് മൃതദേഹം കണ്ടെത്തിയത്. വീട്ടുകാർ രാവിലെ പല തവണ വിളിച്ചിട്ടും ഫോൺ എടുക്കാതിരുന്നതോടെ സംശയം തോന്നി ബന്ധുക്കൾ കേന്ദ്രവുമായി ബന്ധപ്പെട്ട് അന്വേഷണം നടത്തുന്നതിനിടയിലാണ് വിവരം അറിയുന്നത്. കോവിഡ് ബാധിച്ചയാളെ വീട്ടിൽനിന്ന് നാല് ദിവസം മുമ്പാണ് നാട്ടികയിൽ എത്തിച്ചത്. പൊലീസ് നടപടികൾ പൂർത്തിയാക്കി ബന്ധുക്കൾക്ക് വിട്ടുകൊടുത്ത മൃതദേഹം വീട്ടിൽ കൊണ്ടുവന്ന ശേഷം പഞ്ചായത്ത് ശ്മ‌ശാനത്തിൽ സംസ്കരിച്ചു. മരപ്പണിക്കാരനായിരുന്നു. ഭാര്യ: സിന്ധു. മക്കള്‍: ആഷ്‌ലി, ആര്യനന്ദ. മരുമകൻ: സജീവ്.
