അഗളി: ഊത്തുക്കുഴി ഊരിനുസമീപം ജീപ്പ് ഡിവൈഡറിൽ തട്ടി ജീപ്പ് മറിഞ്ഞ് യുവാവ് മരിച്ചു.ഷോളയൂർ പഞ്ചായത്തിലെ ഊത്തുക്കുഴിക്ക് സമീപം യൂക്കാലിമട്ടം സ്വദേശി ചന്ദ്രനാണ് (45) മരിച്ചത്. ശനിയാഴ്ച പകൽ 11നാണ് സംഭവം. ജീപ്പ് ഡ്രൈവർ പ്രദീപ് പരിക്കേറ്റ് ചികിത്സയിലാണ്. മരിച്ച ചന്ദ്രെൻറ ഭാര്യ ചിത്ര. മക്കൾ: കൗസല്യ, രതീഷ്, രമ്യ. മൃതദേഹം പോസ്റ്റ്മോർട്ടം നടപടികൾക്കായി അഗളി കമ്യൂണിറ്റി ഹെൽത്ത് സെൻററിലേക്ക് മാറ്റി.
