അഗളി: കോട്ടത്തറ ട്രൈബൽ സ്പെഷാലിറ്റി ആശുപത്രിയിലെ പ്രസവ വാർഡിൽ ഡ്യൂട്ടിയിലുണ്ടായിരുന്ന സ്റ്റാഫ് നഴ്സ് കുഴഞ്ഞുവീണ് മരിച്ചു. അഗളി ദോണിഗുണ്ട് സ്വദേശിനി രമ്യ ഷിബുവാണ് (35) മരിച്ചത്. രാത്രി ഭക്ഷണം കഴിച്ചുകഴിഞ്ഞ് ഡ്യൂട്ടിയിൽ പ്രവേശിച്ച രമ്യ ക്ഷീണം അനുഭവപ്പെട്ടതിനെ തുടർന്ന് വാർഡിലെ കസേരയിൽ ഇരിക്കുകയും പെട്ടെന്ന് കുഴഞ്ഞ് വീഴുകയുമായിരുന്നു. ഹൃദയാഘാതം മൂലമാണ് മരണം സംഭവിച്ചതെന്ന് ഡോക്ടർമാർ അറിയിച്ചു. ആൻറിജൻ ടെസ്റ്റ് നെഗറ്റിവ് ആയിരുന്നെങ്കിലും പിന്നീട് ട്രൂനാറ്റ് പരിശോധനയിൽ കോവിഡ് പോസിറ്റിവ് ആയി. ജില്ല ആശുപത്രിയിലുള്ള മൃതദേഹം കോവിഡ് പ്രോട്ടോകോൾ പ്രകാരം സംസ്കരിക്കും. ഭർത്താവ്: ഷിബു. മക്കൾ: ആൽബിൻ, മെൽബിൻ.
