മണലൂർ: കോവിഡ് ബാധിച്ച് ഭാര്യ മരിച്ച് രണ്ടാഴ്ച പിന്നിടുന്നതിനിടെ ഭർത്താവും കോവിഡ് ബാധിച്ച് മരിച്ചു. മണലൂർ സ്വദേശി ചുള്ളിപറമ്പിൽ സുഭാഷാണ് (47) തൃശൂർ മെഡിക്കൽ കോളജ് ആശുപത്രിയിൽ ചികിത്സയിലിരിക്കെ മരിച്ചത്. രണ്ടാഴ്ച മുമ്പാണ് ഭാര്യ ജിജി ചികിത്സയിലിരിക്കെ മരിച്ചത്. സംസ്കാരം മണലൂർ പഞ്ചായത്ത് പൊതുശ്മശാനത്തിൽ നടത്തി. മണലൂർ സഹകരണ ബാങ്ക് ജീവനക്കാരനാണ് സുഭാഷ്. ഏക മകൻ: അലൻ (പത്ത് വയസ്സ്).
