ആലത്തൂർ: പഴമ്പാലക്കോട് തോട്ടും പള്ളയിൽ വീട്ടിൽ ബഷീർ വാപ്പുട്ടി (52) ഖത്തർ ഐൻ ഖാലിദിൽ നിര്യാതനായി. ബുധനാഴ്ച ജോലി കഴിഞ്ഞ് കമ്പനി ബസിൽ താമസസ്ഥലത്തേക്ക് പോകുമ്പോൾ അസ്വസ്ഥതയുണ്ടായി. ഉടനെ ആശുപത്രിയിലെത്തിച്ചെങ്കിലും മരിച്ചുവെന്നും ഹൃദയ സ്തംഭനമാണ് കാരണമെന്നുമാണ് നാട്ടിൽ ലഭിച്ച വിവരം. ഏഴു വര്‍ഷമായി ഖത്തറിലെ യുനൈറ്റഡ് കോർപറേഷന്‍ ജനറല്‍ ട്രേഡിങ് കമ്പനിയില്‍ സ്റ്റോർ ഹെൽപ്പറായി ജോലി ചെയ്ത് വരുകയായിരുന്നു. ഭാര്യ: റംലത്ത്. മക്കൾ: ജംഷീർ, ജംഷീന, നിഷാദ്. മരുമക്കൾ: റുഫ്ലത്ത്, റഫീഖ്. സഹോദരങ്ങൾ: സിദ്ദീഖ്, ഖദീജ. ഖത്തറിലെ പാലക്കാട് കൾച്ചറൽ ഫോറം പ്രവര്‍ത്തകനായിരുന്നു. ആറ് മാസം മുമ്പാണ് നാട്ടിൽ വന്ന് പോയത്. മൃതദേഹം നാട്ടിലേക്ക് കൊണ്ടുവരുന്നതിനുള്ള നടപടികൾ കൾചറൽ ഫോറം പ്രവർത്തകർ നടത്തുന്നുണ്ട്.
