ശാസ്താംകോട്ട: യൂത്ത്‌ കോണ്‍ഗ്രസ് മുൻ സംസ്ഥാന സെക്രട്ടറിയും ഡി.സി.സി ജനറൽ സെക്രട്ടറിയുമായ ശാസ്താംകോട്ട സുധീര്‍ (39) നിര്യാതനായി. ശാസ്താംകോട്ട പടിപ്പുര പടീറ്റതിൽ കമറുദ്ദീെൻറയും സൈനബയുടെയും മകനാണ്. തലച്ചോറിനെ ബാധിച്ച അപൂര്‍വ രോഗത്തിന് തിരുവനന്തപുരത്ത് സ്വകാര്യ ആശുപത്രിയില്‍ ചികിത്സയില്‍ തുടരുകയായിരുന്നു. ഒരുമാസം മുമ്പ് ശ്രീചിത്രയിലേക്ക് മാറ്റി. ഒരാഴ്ച മുമ്പ് അടിയന്തര ശസ്ത്രക്രിയക്കും വിധേയനാക്കിയിരുന്നു. വെള്ളിയാഴ്ച രാത്രി ഏഴരയോടെ മരണപ്പെട്ടു. ഭാര്യ: റൂബി. മക്കൾ: ഹയാൻ, ഹൈഫ. മൃതദേഹം ശനിയാഴ്ച രാവിലെ ശാസ്താംകോട്ടയിലേക്ക് കൊണ്ടുവരും. ഉച്ചക്ക് രണ്ടിന് ഖബറടക്കും.
