കുന്നംകുളം: കോവിഡ് ബാധിച്ച് വീട്ടിൽ കഴിയുന്നതിനിടെ മരിച്ച നിലയിൽ കണ്ടെത്തിയ മധ്യവയസ്കെൻറ ഭാര്യയും മരിച്ചു. ചൊവ്വന്നൂർ എസ്.ബി.ഐ ബാങ്കിന് സമീപം ക്വാർട്ടേഴ്സിൽ താമസിക്കുന്ന ചീരൻ വീട്ടിൽ ജോബിയുടെ ഭാര്യ വിനിയാണ് (48) ഞായറാഴ്ച വൈകീട്ട് മരിച്ചത്. മെഡിക്കൽ കോളജ് ആശുപത്രിയിൽ ചികിത്സയിലായിരുന്നു. വിനിയുടെ ഭർത്താവ് ജോബിയെ ശനിയാഴ്ച ഉച്ചയോടെയാണ് കിടപ്പുമുറിയിൽ മരിച്ച നിലയിൽ കണ്ടെത്തിയത്. സംഭവസമയം കസേരയിൽ അബോധാവസ്ഥയിലാണ് വിനിയെ കണ്ടെത്തിയിരുന്നത്. പിന്നീട് കുന്നംകുളം താലൂക്ക് ആശുപത്രിയിലേക്ക് മാറ്റുകയായിരുന്നു. ആ സമയത്ത് ഓക്സിജെൻറ അളവ് കുറവായിരുന്നുവെന്ന് ആശുപത്രി അധികൃതർ പറഞ്ഞു. കഴിഞ്ഞ 14നാണ് ഇരുവർക്കും കോവിഡ് സ്ഥിരീകരിച്ചത്. പിന്നീട് വീട്ടിൽ ചികിത്സയിൽ കഴിയുകയായിരുന്നു. വാർഡിലെ ആർ.ആർ.ടിക്കാർ കൊണ്ടുവെച്ച ഭക്ഷണം എടുക്കാതിരുന്നതും സംശയത്തിനിടയാക്കി. പിന്നീട് ശനിയാഴ്ച ഇവരെ സഹോദരൻ ടോബി ഫോണിൽ വിളിച്ചെങ്കിലും ആരും ഫോൺ എടുക്കാതിരുന്നതിനെ തുടർന്ന് വാർഡ് അംഗത്തിെൻറ സഹായതോടെ പൊലീസ് സ്ഥലത്തെത്തി നാട്ടുകാരുടെ സഹായത്തോടെ വാതിൽ തകർത്താണ് ഇരുവരെയും പുറത്തെടുത്തത്. ജോബി വെള്ളിയാഴ്ച മരിച്ചുവെന്നാണ് ആശുപത്രി അധികൃതരുടെ റിപ്പോർട്ട്. വിനിയുടെ സംസ്കാരം തിങ്കളാഴ്ച.
