പാവറട്ടി: തൊഴിലാളികളുമായി പശ്ചിമ ബംഗാളിലേക്ക് പോയി ലോക് ഡൗണിനെ തുടർന്ന് തിരിച്ചുവരാനാകാതെ കുടുങ്ങിയ ബസ് ഡ്രൈവർ കുഴഞ്ഞ് വീണ് മരിച്ചു. വെന്മേനാട് കൈതമുക്ക് കുളങ്ങരകത്ത് പുളിക്കൽ പരേതനായ മുഹമ്മദിെൻറ മകൻ നജീബ് (46) ആണ് മരിച്ചത്. അസം-ബംഗാൾ അതിർത്തിയിലെ അലിപൂരിലാണ് സംഭവം. തൃശൂരിലെ ജയ് ഗുരു ബസിലെ ഡ്രൈവറാണ്. ലോക്ഡൗണിനെ തുടർന്ന് 40 ദിവസത്തിലധികമായി ബംഗാളിൽ കുടുങ്ങിക്കിടക്കുകയായിരുന്നു. നടപടി ക്രമങ്ങൾക്ക് ശേഷം നാട്ടിലെത്തിച്ച് പൈങ്കണ്ണിയൂർ ജുമാ മസ്ജിദ് ഖബർസ്ഥാനിൽ ഖബറടക്കും. മാതാവ്: ഫാത്തിമ. ഭാര്യ: നസീമ. മക്കൾ: സിനാൻ, റിസ്വാൻ. സഹോദരങ്ങൾ: ഹംസ, ഇഖ്ബാൽ, ഷെക്കീർ, ഷെമീറ.
